ИВ-Илинден

Илинден е сметководствено биро од 1993 година, со тим од сметководители и овластени економски вештаци. Требаше сајт што јасно ги објаснува двете дејности, сметководството и вештачењето, и од кој фирмите лесно бараат понуда. Сајтот требаше да има и англиска верзија.

Сајтот го дизајнирав во Figma, а потоа го изработив во WordPress со Elementor. Логото го прецртав во SVG, во пет верзии за различни позадини, а за текстот го избрав фонтот Montserrat, бидејќи има целосна кирилица.

• Пет страници: Почетна, За нас, Сметководство, Вештачење и Контакт, со форма за порака, мапа и често поставувани прашања.
• Целосна англиска верзија. Секоја страница има свој англиски линк, а копчето МК | EN води на истата страница на другиот јазик.
• Брзина: фотографиите се во WebP, сликите во банерот имаат посебни мобилни верзии, а фонтот се вчитува од сопствениот сервер.
• SEO со Rank Math: наслов и опис за секоја страница, податоци за Google како сметководствено биро и sitemap на двата јазика.
• Анимации што се исклучуваат кај посетителите што имаат вклучено „намали движење“.

Во Lighthouse почетната страница има 98 за брзина на телефон и 100 на десктоп. Сите страници имаат 100 за SEO, пристапност и добри практики, а брзината на телефон им е 95–98. Главната слика на телефон се појавува за помалку од 3 секунди. И англиските страници се 94–99 на телефон.